ह्या जगात प्रत्येक मिनिटाला, प्रत्येक सेकंदाला कुठे ना कुठे ब्रेकअप होत असतात, म्हणून ब्रेकअप ही काय मोठी गोष्ट नाही राहिली आता. रिलेशन तुटल्याने कदाचित त्रास होत असेल कमी जास्त प्रमाणात किंवा होत ही नसेल. काही ठिकाणी ब्रेकअप पार्टीज सुद्धा सेलिब्रेट केल्या जात असतील. ब्रेकअपच्या आधी बेकअप (backup) च्या तरतूदी करून ठेवल्या जात असतील. रिलेशन वाचवण्यासाठी भांडलात तर, "r u nuts?" म्हणून तुम्हाला हिणवल जाइल. समोरची व्यक्ति अशी काही वागेल तुमच्याशी की काळजाला भोक पडतील तुमच्या. साष्टांग नमस्कार घालून प्रेमाची भिक मागाल पण ती हि मिळणार नाही. असो.
मग आता ब्रेकअप नंतर काय कराव. पहिली गोष्ट रडण थांबवा. काही मिळत नाही रडून. आठवणी पुसून टाकायच्या आहेत तुम्हाला फक्त. सोप्प नाही आहे हे, पण अशक्य हि नाही आहे.
१) तिचा एखादा फोटो असेलच तुमच्याकडे. पाकिटात ठेवला असेल किंवा पुस्तकात, वहीत जपून ठेवला असेल. पाहिले काढ़ा तो फोटो बाहेर. फाडून टाका, जाळून टाका, फ्लश करून टाका. (jab we met style) "ना रहेगा बांस, ना बजेगी बासूरी." :-)
२) मोबाईल मध्ये तिचा नंबर सेव्ह असेलच. रिनेम करून टाका तीच नाव. Ignore ह्या नावाने नामकरण करा. (जेंव्हा जेंव्हा कॉल करण्याची इच्छा होइल, तेंव्हा तेंव्हा आपोआप इग्नोर करायला शिकाल)
३) अंतरजालावर (internet) खुपवेळा गप्पा (chat) मारल्या असतील तिच्या सोबत. chat सेव्ह सुद्धा करून ठेवल्या असतील. chat history पूर्ण डिलीट करून टाका.
४) आजपर्यंत मिळालेले गिफ्ट्स, ग्रीटिंग कार्ड्स एकतर तिला परत द्या. (जे अशक्य आहे) किंव्हा त्या सर्व वस्तु कुठेतरी नेउन टाकुन द्या. (हा ऑप्शन चांगला आहे)
५) तिच्यासोबत ज्या ज्या ठिकाणी फिरला असाल, त्या सर्व ठिकाणी जाण पुढचे २-३ महीने टाळा.
६) घरी बसून तिची आठवण काढत बसण्यापेक्षा स्वतःला कुठल्या ना कुठल्या कामात बिझी करून घ्या.
७) फ्रेंड सर्कल वाढवा. आउटिंगला जा.
८) मनापासून जोपासलेल एखाद स्वप्न पूर्ण करायचा प्रयत्न करा.
९) कोणासमोरही तिचा आणि तुमच्या ब्रेकअपचा विषय काढू नका.
१०) वर सांगितलेल्या सर्व गोष्टी मनापासून करण्याचा प्रयत्न करा.
ब्रेकअप हि आयुष्यातली एक फेज आहे. आज ना उद्या हि फेज संपणार आहेच. वेळ आणि काळ कितीही वाईट असला तरीही एकनाएक दिवस तो सरणार आहेच. रात्रि नंतर दिवस आहेच की.
आयुष्य एकदाच मिळत मित्रांनो. तुमच स्वप्न पूर्ण करण्याचा प्रयत्न करा आणि लाइफ एन्जॉय करा.
चला, निरोप घेतो. परत भेटूच.
अभिजीत